सह्याद्रीच्या कड्यावरुनी छातीसाठी ढाल घ्यावी किल्ल्याच्या तटकटावरुनि इतिहासाची साक्ष घ्यावी

देणा-याने देत जावे
देणा-याने देत जावे
घेणा-याने घेत जावे

एकांडा फिरणाऱ्या पाखराकडून
आभाळाची सीमा घ्यावी
काळ्याकसदार मातीकाडूनी
पोसण्याची ताकद घ्यावी

सह्याद्रीच्या कड्यावरुनी
छातीसाठी ढाल घ्यावी
किल्ल्याच्या तटकटावरुनि
इतिहासाची साक्ष घ्यावी

बहरलेल्या वृक्षाकडूनी
मायेची सावली घ्यावी
ओसाड झालेल्या वृक्षाकडुनी
बहरण्याची उमेद घ्यावी

उसळलेल्या दर्याकडून
पिसाळलेली आयाळ घ्यावी
आणि माझ्या राजाकडून
स्वातंत्र्याची धमक घ्यावी