कोणतही शिवकाव्य येथे शोधा

शिवकालीन महाराष्ट्र सन १६६० भाग १८४


शाहिस्तेखानची मोहिम

सांभार : मराठा साम्राज्यकोश

शाहिस्तेखानचे मूळ नाव अबू तालिब. तो इराणी होता. मिर्झा अमीर उल् उमरा हैबतजंग नबाब शाहिस्तेखान अबू तालिब हे त्याचं पदव्यासकट नाव होते. तो मुघल सम्राट औरंगजेबाचा मामा होता
शाहिस्तेखानची मोहिम ही शिवाजी राजा व मुघलांमधली पहिली मोठी मोहिम होती. औरंगजेबला शिवरायांच्या वाढत्या बळाची व आवाक्याची किती काळजी वाटत होती हेच त्यातून दिसते. शिवरायांचा स्वातंत्र्य मिळवण्याचा प्रयत्न लवकरात लवकर मोडून काढायला पाहिजे हे त्याला कळून चुकले होते. मुघलांच्या दृष्टीने ह्या मोहिमेची वेळही अतिशय सुयोग्यपण निवडली होती. शिवरायांचे लक्ष आदिलशाही आघाडीवर लागले असताना शाहिस्तेखानने उत्तरेकडून आक्रमण केले होते. त्यामुळे ह्या दोन्ही सैन्यांना वेगळे ठेवणे हे शिवाजी राजा समोर सगळ्यात मोठे आव्हान होते. त्याने हे केलेच पण त्याबरोबर काही किल्लेही जिंकुन घेतले.
Image may contain: drawing