एक सुंदर किल्ला घेरा सुरगड
रायगड जिल्ह्यातल्या रोहा तालुक्यात खांब गावाजवळ एक सुंदर किल्ला घेरा सुरगड या नावानं ओळखला जातो. रोहा-कोलाड-खांब-वैजनाथ (एस. टी. / सहा आसनी रिक्षा) असं २० किलोमीटर अंतर पार करून तुम्ही पायथ्याला पोहोचता. गडाची उंची २५० मीटर आहे. मध्यम चढाई श्रेणीत मोडणाऱ्या या गडावर जाण्यासाठी खांब गावातून दोन मार्ग आहेत. पहिला मार्ग चढताना मध्येच एक दगडी घळ चढून जावं लागतं. दोराच्या साहाय्यानं ही घळ पार करता येते. दुसरा मार्ग घळीच्या सभोवती फिरून गडावर जातो. घळ येण्यापूर्वी डाव्या बाजूला इंजाई देवीचं मंदिर आहे. गडावर जाण्यापूर्वी वाटेत एक मारुती शिल्प आहे, या मारुतीच्या कमरेला खंजीर लावलेला आहे. धान्य कोठार, उत्तरेकडे हेमांडपंथी मंदिराचे अवशेष, १४ टाक्या, बुरुज आणि अरबी-फारसी भाषेतील एक शिलालेख असे अवशेष आहेत. दुर्गवीर प्रतिष्ठान ही मुंबईची संस्था संतोष हसुरकर यांच्या संकल्पनेतून गडावर श्रमदान करत आहे. ते पाहाण्यासाठी गडाला जरुर भेट द्यावी. सोबत जेवणाचा डबा आणि पाणी आवश्यक.
Nearby cities: गोरेगाव, लोणावळा, पिरंगुट
अक्षांश-रेखांश : 18°27'17"N 73°13'35"E
